کوسموشم ، بیرده باریشمام داها یالوارما منه

تک لیغین لایقسن گت، بالا یالوارما منه

نچه ایل نازوی چکدم ،ولی سن ظلم الدون

ایندی ده ، ای داش اوره دون داشا یالوارما منه

منیم آغلار گوزمه رحم ائلیپ ، هن دمدون

ایندی گر گوز یاشون آخسا چایا، یالوارما منه

یالواریردم سنه من ، سن چووردون اوزوی

ایندی ده کئچمشی سال یادوا ، یالوارما منه

سن اوزون داشلامسان باغدا گولون بولبولنی

گله بولمز یئنه بلبل باغا ، یالوارما منه

دئدیم گل با هم اولاخ ساده توتوپ خوش یاشیاخ

سومدین ، پس داها گت تک یاشا یالوارما منه