بو داریخدیران دومان آیریلیق،
باشا سوْورولان سامان آیریلیق.
آمان آیریلیق، آمان آیریلیق،
آمان آیریلیق، آمان آیریلیق.

بیر گؤزون آچار، بیر گؤزون یومار،
آرازی سرین گؤردوکده اومار،
هئزئرعی درین گؤردوکده جومار،
جان دریاسینا جومان آیریلیق،
آمان آیریلیق، آمان آیریلیق.

آرازیم وورسون باش داشدان داشا،
گؤز یاشی گرک باشلاردان آشا،
نئجه یاد اوْلسون قارداش قارداشا،
نه دین قانیر، نه ایمان آیریلیق،
آمان آیریلیق، آمان آیریلیق.

گؤیلرین گونون، آیین گیزله‌دیر،
اولدوز آخدیریر، سایین گیزله‌دیر،
اوْخونو آتیر، یایین گیزله‌دیر،
قددیمی ائدیپ کمان آیریلیق.
آمان آیریلیق، آمان آیریلیق.

آیریلیق گله، بیر کرم قولا،
بیر نئچه گون ده بیزدن آیریلا،
قم ده بیر بیز تک سوْوا-ساورولا،
هانی بیر بئله گومان آیریلیق.
آمان آیریلیق، آمان آیریلیق.

دئدیم آیریلیق، گوناما منی،
سنی گؤرموشم ائللر دوشمنی،
یوز مین کرره ده سوناسام سنی،
هامان آیریلیق، هامان آیریلیق.
آمان آیریلیق، آمان آیریلیق.

آمانسیز گؤزون یومان آیریلیق،
جان جوزلیغیندان اومان آیریلیق،
نه غملی یازار روْمان آیریلیق،
دیللئره سالان دومان آیریلیق.
آمان آیریلیگ، آمان آیریلیق.

سن اونودسان دا سولئیمان منی،
اونودمویاجاق شهریار سنی،
یاز گلر بولبول گاپسار چمه‌نی
ایندیلیک سئوسین زامان آیریلیق
آمان آیریلیق، آمان آیریلیق